فناكيش التغذيه
1- شرب المياه
طيب دايمًا بقول إن قصة شرب المياه دي overrated جدًا وإن مفيش كمية مياه الواحد المفروض يلزم بيها نفسه في اليوم.
المياة مهمة طبعًا عشان كل التعليقات..
الفنكوش مش المياه مهمة ولا لأ.. الفنكوش هو إننا محتاجين نعمل reminder للمياه وإن في واجب مياه في اليوم لازم يتشرب زي الدوا!
خليني أشرح أكتر..
1) مفيش حاجة اسمها 8 كوبايات مياه في اليوم لازم تشربهم. 
التوصيات الطبية بتتكلم عن المشروبات عمومًا مش المياه بس..
أيوه كل المشاريب بتتحسب.. شوربة بقلى عصير جنزبيل ليمون.. حتى الشاي والقهوة محسوبين
Total beverage consumption not just water.
2) اشربوا كويس عشان جلدكم وبشرتكم.. دي واحدة واحدة من أكبر الفناكيش الحقيقة! 
عشان جلدك يتأثر بكمية المياه لازم يكون عندك جفاف أصلًا (ودي حالة الإنسان العادي صعب يوصلها وحشرح إزاي)
more is not better
المياه الزيادة مش بتمتص من طبقة الجلد الخارجية Epidermis
البشرة الجافة سببها مش قلة المياه.. البشرة الجافة سببها المنظفات اللي بنستخدمها، والجو حوالينا وعدد الخلايا الدهنية.
المياه اللي بنشربها لا تصل للطبقة الخارجية للجلد والله.
3) لازم نشرب قبل ما نعطش عشان معنى إننا عطشنا إننا دخلنا ف جفاف.
بذمتك ده كلام منطقي؟؟
يعني ربنا يدينا إحساس وترموستات عشان مندخلش ف جفاف نقوم إحنا نقرر إنه مش شغال وبايظ
العطش إنذار إن تركيز السوائل قل بمعدل 2% تقريبًا.. الجفاف مش بيحصل قبل ما تركيز السوائل يقل أكتر من 5%
4) هو ازاي أعرف إني بشرب كفاية؟ 
– إنك مش عطشان.
– إن لون البول فاتح وكميته معقولة (ساعات كتير لون البول بيكون غامق بسبب أكل أو أدوية)
مفيش أي فايدة ولا مبرر إنك تفضل تشرب فتدخل التويلت كل ساعة.. دي مش عيشة ولا دليل على أي حاجة كويسة أصلًا
5) شرب المياه مش بيغسل السموم من الجسم ومش بيخلي الكلى تغسل السموم.
الكلى كل يوم بتفلتر حوالي 180 لتر دم (الجسم يحتوي حوالي 5 لتر دم) يعني الكلى بتفلتر 36 ضعف دمك في اليوم.. مش الـ 6 كوبايات مياه يعني اللي حيعملوا الفرق.
وشرب المياه بانتظام وإنت مش عطشان مش بيفرق في وظائف ولا كفاءة الكلى.
6) احنا بنفقد حوالي 1.5 – 2 لتر مياه ف اليوم عرق وبخار مياه في النفس وفضلات..
بنعوض حوالي 30 % منهم من الأكل خصوصًا الفاكهة والخضار، والباقي بيتعوض م المشروبات اليومية حتى الشاي والقهوة بيتحسبوا.
تاني… مش محتاج تشرب إلا لو عطشت.الاستثناء الوحيد هم كبار السن عشان reflex العطش عندهم مش أحسن حاجة.
مفيش أي ميزة نهائي لشرب مياه أكتر من احتياجك اليومي عشان بمنتهى البساطة:
you will pee the extra
إحنا مش جمل مش بنحوش مياه 
2- فشار السينما ده قنبلة كالوريز
الكبير فيه بين 850-1200 كالوري والregular بين 500-800كالوريز
وكميات مرعبة من الدهون المهدرجة والملح
نكدت عليكم صح
#calories #popcorn #كالوريز #فشار #يومياتطبيبةتغذية
3- هو أنا مقلتلكوش إن الانبودي Inbody ده أكبر فنكوش ف تاريخ الدايت
ولا مينفعش تخس دهون وتتخن كيلو ونص عضلات وإنت بتتمشى ف طرقة بيتكم
أنتوا بس بتحبوا الناس تشتغلكم
#يومياتطبيبةتغذية #فناكيش_التغذية
4-
نحكي حكاية الانبودي Inbody#
ده ميزان بيقدر يحلل body composition بالتحديد كتلة العضلات ونسبة الدهون بتقنية إسمها BIA
التقنية دي عبارة عن تيار كهربائي ضعيف بيعدي ف الجسم وعلى حسب درجة مقاومة الانسجة للتيار الكهربائي نحدد الانسجة اللي مفيهاش دهون وعن طريق الجوريثم و الداتا إللي بندخلها الجهاز (طول، وزن، سن، نوع) بيحسب نسب الدهون والعضلات والمياة
الحقيقة التقنية من اكتر التقنيات دقة لكن
أيوة لو جهاز محترم حيدي نتايج بجد دقتها عالية جدا
طيب فين بأه فنكوش عم الانبودي اللي قلت عليه إمبارح
الزيتونة حضرتك عشان القياس يكون دقيق والنتايج يعتمد عليها في شوية dos and don’ts لازم تتعمل والحقيقة 99% مش بتتعمل ف القراية ف الاخر بتكون فنكوش
إيه بأه ال dos and don’ts دي
- تشرب مياة كويس اوي اليوم اللي قبله
– متاكلش 4 ساعات على الاقل (يفضل طول الليل وتتوزن الصبح) قبل الميزان
– متكونش لابس حاجة synthetic أفضل حاجة أصلا من غير لبس أو لبس قطن خفيف
– متكونش لابس حاجة معدن ولا دهب ولا فضة ولا في coins ف جيبك
– مفيش رياضة قبلها ب 6-12 ساعة
- مينفعش بعد م تاخد دش ولا ينفع بعد ساونا
– متبقاش حاطط كريم ولا أي مستحضر تجميل على الايد أو الرجل
– شرب الكحوليات بيأثر على نتايج الانبودي
– درجة الحرارة تكون من 20 – 25
– لازم قبل م تطلع ع الميزان تفضل واقف 5 ل 10 دقايق
– ممنوع شرب الكافيين يوم م تعمل انيودي
- مينفعش السيدات وقت الحيض ولا الحامل ولا المرضع
أصلا الستات أسبوعين قبل البيريود نسب الدهون بتكون أقل عشان هورمون البروجيسترون
ف أنسب وقت من بعد م البيريود تخلص لليوم ال 14
– الناس اللي مركبة منظم ضربات قلب مينفعش يعملوا انيودي عشان التيار الكهربي ده ممكن يأثر بالسلب
أي حد مركب شرايح ف العظام أو مسامير أو مفصل metal والستات اللي عاملة breast augmentation كل ده حيأثر على دقة النتايج
حاولوا تتوزنوا بنفس اللبس نفس الظروف وتعملوا على اد م تقدروا من التوصيات عشان النتايج تكون قريبة لكن القرايات مش قرآن خالص
#يومياتطبيبةتغذية #فناكيش_التغذية
#BIA
ده ميزان بيقدر يحلل body composition بالتحديد كتلة العضلات ونسبة الدهون بتقنية إسمها BIA
التقنية دي عبارة عن تيار كهربائي ضعيف بيعدي ف الجسم وعلى حسب درجة مقاومة الانسجة للتيار الكهربائي نحدد الانسجة اللي مفيهاش دهون وعن طريق الجوريثم و الداتا إللي بندخلها الجهاز (طول، وزن، سن، نوع) بيحسب نسب الدهون والعضلات والمياة
الحقيقة التقنية من اكتر التقنيات دقة لكن
أيوة لو جهاز محترم حيدي نتايج بجد دقتها عالية جدا
طيب فين بأه فنكوش عم الانبودي اللي قلت عليه إمبارح
الزيتونة حضرتك عشان القياس يكون دقيق والنتايج يعتمد عليها في شوية dos and don’ts لازم تتعمل والحقيقة 99% مش بتتعمل ف القراية ف الاخر بتكون فنكوش
إيه بأه ال dos and don’ts دي
- تشرب مياة كويس اوي اليوم اللي قبله
– متاكلش 4 ساعات على الاقل (يفضل طول الليل وتتوزن الصبح) قبل الميزان
– متكونش لابس حاجة synthetic أفضل حاجة أصلا من غير لبس أو لبس قطن خفيف
– متكونش لابس حاجة معدن ولا دهب ولا فضة ولا في coins ف جيبك
– مفيش رياضة قبلها ب 6-12 ساعة
- مينفعش بعد م تاخد دش ولا ينفع بعد ساونا
– متبقاش حاطط كريم ولا أي مستحضر تجميل على الايد أو الرجل
– شرب الكحوليات بيأثر على نتايج الانبودي
– درجة الحرارة تكون من 20 – 25
– لازم قبل م تطلع ع الميزان تفضل واقف 5 ل 10 دقايق
– ممنوع شرب الكافيين يوم م تعمل انيودي
- مينفعش السيدات وقت الحيض ولا الحامل ولا المرضع
أصلا الستات أسبوعين قبل البيريود نسب الدهون بتكون أقل عشان هورمون البروجيسترون
ف أنسب وقت من بعد م البيريود تخلص لليوم ال 14
– الناس اللي مركبة منظم ضربات قلب مينفعش يعملوا انيودي عشان التيار الكهربي ده ممكن يأثر بالسلب
أي حد مركب شرايح ف العظام أو مسامير أو مفصل metal والستات اللي عاملة breast augmentation كل ده حيأثر على دقة النتايج
حاولوا تتوزنوا بنفس اللبس نفس الظروف وتعملوا على اد م تقدروا من التوصيات عشان النتايج تكون قريبة لكن القرايات مش قرآن خالص
#يومياتطبيبةتغذية #فناكيش_التغذية
#BIA
5- عارفين البقسماط اللي بناكل منه بال10 مع كوباية الشاي ده
البقسماطة ب ربع رغيف فيها حوالي 70 كالوري
ال 10 بتوع سأسأة الشاي دول حوالي 700 كالوري
الباتون سالية الواحدة 45 كالوريز
الفايش الواحدة حوالي 60 كالوريز
#يومياتطبيبةتغذية #كالوريز #بقسماط #معلومةعالطاير #calories
6-
Hi
#المشروم مش مصدر غني بالبروتين
كوب المشروم فيه1_2جم بروتين
أنواع المشروم مختلفة100جم بيدينا من 4-7% من احتياجنا اليومي م البروتين
100جم اللحمة بيدينا 57%
إحنا ف المتوسط بنحتاج 50جم بروتين باليوم يعني أقل من 200جم لحمة وحوالي 2كيلو ونص مشروم
#يومياتطبيبةتغذية
#فناكيش_التغذية #basics
#المشروم مش مصدر غني بالبروتين
كوب المشروم فيه1_2جم بروتين
أنواع المشروم مختلفة100جم بيدينا من 4-7% من احتياجنا اليومي م البروتين
100جم اللحمة بيدينا 57%
إحنا ف المتوسط بنحتاج 50جم بروتين باليوم يعني أقل من 200جم لحمة وحوالي 2كيلو ونص مشروم
#يومياتطبيبةتغذية
#فناكيش_التغذية #basics
7-
السبانخ أصلا مش مصدر غني بالحديد
هي مصدر جيد لكن مش غني
السبانخ فيها اوكزلات كتير جدا وده أصلا بيأثر على امتصاص الحديد
الجسم تقريبا بيمتص 2% م الحديد اللي ف السبانخ ف حين إنها بتمتص حوالي
15-35% م الحديد ف اللحومكان زمان سنة ١٨٧٠
عالم بيحاول يقيس كمية الحديد الموجودة في السبانخ وطلع الورقة البحثية بتاعته إن السبانخ فيها حديد أعلي ١٠ مرات من كل الخضروات الورقية وطبعا المعلومة انتشرت بشكل كبير جدا وسنة ١٩٢٩ ابتكروا شخصية باباي البحار اللي عضلاته بتكبر أول ماياكل سبانخ وسنة ١٩٣٧ بحث جديد أثبت خطأ العالم ده لأن البحث أثبت إن العالم وهو بيكتب نتيجة البحث غلط في وضع العلامة العشرية بدال ما يكتب إن كل ١٠٠ جرام بتدي ٣,٤ ملجم حديد كتبها ٣٤ وفضلوا الناس مش مصدقين إن السبانخ عادي وأقل من العادي في الحديد وده ساعد القوات الأمريكية في الحرب العالمية الثانية لأن الخضار الوحيد والرخيص اللي كان بيستحمل مع الجنود كان السبانخ
#يومياتطبيبةتغذية #حديد #سبانخ #
هي مصدر جيد لكن مش غني
السبانخ فيها اوكزلات كتير جدا وده أصلا بيأثر على امتصاص الحديد
الجسم تقريبا بيمتص 2% م الحديد اللي ف السبانخ ف حين إنها بتمتص حوالي
15-35% م الحديد ف اللحومكان زمان سنة ١٨٧٠
عالم بيحاول يقيس كمية الحديد الموجودة في السبانخ وطلع الورقة البحثية بتاعته إن السبانخ فيها حديد أعلي ١٠ مرات من كل الخضروات الورقية وطبعا المعلومة انتشرت بشكل كبير جدا وسنة ١٩٢٩ ابتكروا شخصية باباي البحار اللي عضلاته بتكبر أول ماياكل سبانخ وسنة ١٩٣٧ بحث جديد أثبت خطأ العالم ده لأن البحث أثبت إن العالم وهو بيكتب نتيجة البحث غلط في وضع العلامة العشرية بدال ما يكتب إن كل ١٠٠ جرام بتدي ٣,٤ ملجم حديد كتبها ٣٤ وفضلوا الناس مش مصدقين إن السبانخ عادي وأقل من العادي في الحديد وده ساعد القوات الأمريكية في الحرب العالمية الثانية لأن الخضار الوحيد والرخيص اللي كان بيستحمل مع الجنود كان السبانخ
#يومياتطبيبةتغذية #حديد #سبانخ #